Janubiy Koreya Shimoliy Koreyaga «rejim tugashi» bilan tahdid qilmoqda

Janubiy Koreya prezidenti Yun Sek Yol Yongindagi quruqlikdagi operasiyalar qo‘mondonligiga tashrifi chog‘ida Shimoliy Koreyani qattiq ogohlantirdi.

«Majburiy birlashish orzularini o‘zida mujassam etgan va Koreya Respublikasiga doimo ko‘z tikib turgan Shimoliy Koreya rejimiga har qanday bosqinchilik uning rejimining barham topishiga olib kelishini tushuntirishimiz kerak», - dedi siyosatchi.

Bu bayonot AQSh va Janubiy Koreya o‘rtasida “Ulchi Freedom Shield” deb nomlangan 11 kunlik qo‘shma harbiy mashg‘ulotlar boshlanishi kontekstida aytildi. Mashqlar ikki Koreya davlati o‘rtasida keskinlik kuchaygan bir paytda o‘tkazilmoqda.

Prezident Yun Shimoliy Koreya harakatlariga javoban harbiy tayyorgarlikni baholash va ittifoqchilarning mudofaa pozisiyasini mustahkamlash uchun ushbu mashqlar muhimligini ta’kidladi.