Islomofob aviakompaniya musulmon yo‘lovchilarni “alohida nazorat”ga olmoqchi

Irlandiyaning Ryanair aviakompaniyasi musulmon yo‘lovchilarni «alohida nazorat»ga olishni rejalashtirayotgani ma’lum bo‘ldi. 

The Times nashriga intervyu bergan aviakompaniya rahbari Maykl O’Liri bundan ko‘zlangan maqsad «teraktlarning oldini olish» ekanini aytdi. Uning iddaosiga ko‘ra, aeroportlardagi teraktlarni asosan musulmonlar amalga oshiradi. 

«Portlatuvchilar kimlar? Bular – yolg‘iz sayohat qiluvchi erkaklar, musulmon erkaklar», – dedi O'Liri.

Ryanair rahbarining bu so‘zlari ko‘plab tashkilotlar va Britaniya parlamentining tanqidiga uchradi, ular O'Lirini islomofobiya va irqchilikda ayblashdi. 

Manba: azon. uz