Evropa Ittifoqi vakillari Rossiyaga qarshi sanksiyalarning to‘qqizinchi paketini tayyorlashni muhokama qilishdi

Evropa Ittifoqi mamlakatlari elchilari 7 dekabr, chorshanba kuni Rossiyaga qarshi to‘qqizinchi sanksiyalar paketini muhokama qildi.

"Yangi takliflar uchuvchisiz uchish apparatlarining Rossiya sektoriga, shuningdek, Moskva tomonidan harbiy maqsadlarda foydalaniladigan boshqa texnologiyalarga cheklovlar joriy etish bilan bog‘liq", deb yozadi Bloomberg.

Shuningdek, chora-tadbirlar Rossiyaning xizmat ko‘rsatish sohasi, sarmoya, ommaviy axborot vositalari va moliya sektoriga ham ta’sir qilishi xabar qilingan.

180 ga yaqin jismoniy va yuridik shaxslar Yevropa Ittifoqining sanksiyalar ro‘yxatiga kiritiladi.