Aka-uka 12 soniyada 25 million dollar o‘g‘irladi

AQShda nufuzli Massachusets texnologiya institutini tamomlagan ikki aka-uka atigi 12 soniya ichida 25 million dollarlik Ethereum kriptovalyutasini o‘g‘irlaganlikda ayblanmoqda.

24 yoshli Antonio Pere-Bueno va 28 yoshli Jeyms Pere-Bueno firibgarlik va pul yuvishda ayblanmoqda.

AQSh Adliya vazirligining ta’kidlashicha, ushbu o‘g‘irlik bunday turdagi birinchisidir.

“Aka-ukalar bir necha oy davomida ishlab chiqqan texnologik jihatdan murakkab, ilg‘or sxema orqali bir necha soniya ichida 25 million dollarlik Ethereum kriptovalyutasini o‘g‘irlashdi", dedi AQSh bosh prokurorining o‘rinbosari.