Zelenskiy frontdagi vaziyat tufayli xorijiy tashriflar bekor qilinganini tasdiqladi
Ukraina prezidenti Vladimir Zelenskiy frontdagi vaziyat tufayli xorijiy tashriflar bekor qilinganini tasdiqladi.
Ukraina rahbari Portugaliya bosh vaziri Luish Montenegru bilan telefon orqali muloqot qilganini va unga frontdagi vaziyat va «Rossiyaning urushni kengaytirishga urinishlari» haqida ma’lumot berganini aytdi.
«Men Portugaliya bosh vaziri Luish Montenegru bilan gaplashdim va unga frontdagi vaziyat va Rossiyaning urushni kengaytirishga urinishlari haqida ma’lumot berdim. Endi bor e’tibor hozirgi mudofaa amaliyotlarimiz va harbiylar bilan aloqalarimizga qaratilmoqda, bu esa barcha xorijiy tashriflarni keyinga qoldirish zaruratini keltirib chiqardi», — deb yozdi Zelenskiy Telegram’da.
Davlat rahbari Portugaliya Bosh vaziri bilan «adolatli dunyoni tiklash yo‘lidagi birinchi qadam bo‘lishi mumkin bo‘lgan» tinchlik sammitini batafsil muhokama qilganini ta’kidladi.
Zelenskiy Portugaliya bosh vaziriga sammitda ishtirok etishini tasdiqlagani va uning mamlakati ushbu tadbirni maksimal darajada xalqaro qo‘llab-quvvatlash uchun o‘z aloqalaridan foydalanishiga ishontirgani uchun minnatdorlik bildirdi.
