Andijonda bir vaqtda 6 ta xonadon yonib ketgani rostmi?

"Ijtimoiy tarmoqlar orqali 6 ta xonadon yonib ketdi" sarlavhali murojaat yuzasidan Andijon tumani hokimligi quyidagilarni ma’lum qiladi.

Andijon tumani Kengash MFY Obod ko‘chasida yashovchi, fuqaro Xakimov D yashash uyining 200 m.kv tom qismi va uy ro‘zg‘or buyumlari yonib zararlangan.

Yong‘in kelib chiqish sababi va moddiy zarar aniqlanmoqda.

Yong‘indan tan jarohati va halok bo‘lganlar yo‘q.
Qo‘shni xonadonlarga tarqalishi o‘z vaqtida oldi olingan 4 ta yong‘in qutqaruv bo‘linmalari yong‘inni bartaraf etishga jalb qilingan.

Mazkur yong‘in holati bo‘yicha yolg‘on ma’lumotlar tarqatish qonunda belgilangan javobgarlikka sabab bo‘lishini eslatib o‘tamiz.

Andijon tumani hokimligi MATBUOT XIZMATI