Ana xolos! G‘uzorda YPX xodimi fuqaro savoliga javob bermay qochib ketdi

Qashqadaryo viloyati G‘uzor tumanida YPX xodimi bilan bog‘liq yana bir qiziq voqea sodir bo‘ldi.

Gap shundaki, 2020 yil 1 mart kuni yo‘l-patrul xizmati inspektori safdor Tog‘aymurodov Abror Akramovich shu kuni soat 13:40 larda M-39 “Toshkent-Termiz” avtomobil yo‘lining G‘uzor tumani hududidan o‘tuvchi 1948 km.da o‘ziga berkitilgan “Neksiya” rusumli 70/889VSF davlat raqam belgili xizmat avtomashinasida o‘rnatilgan “Iskira video-2” (tezlikni aniqlovchi maxsus moslama) qurilmasi bilan belgilangan tezlikni oshirgan avtomashinalarni aniqlash maqsadida xizmat olib borgan.

Unga murojaat qilgan fuqaro M.Muzaffarovning savollariga tegishli tartibda javob bermasdan u yerdan avtomashinani boshqarib qochib ketgan.

Qashqadaryo viloyati Ichki Ishlar boshqarmasi YHXB mas’ul xodimlari tomonidan hozirda mazkur holat bo‘yicha xizmat tekshiruv o‘tkazilmoqda.