Afg‘oniston spirtli ichimliklarni iste’mol qilish bo‘yicha dunyoda 4-o‘rinni egalladi

Afg‘oniston alkogolli ichimliklarni sotish va iste’moli uchun jinoiy javobgarlikka tortiladigan va qattiq jazo belgilangan islomiy davlat bo‘lishiga qaramay, Jahon sog‘liqni saqlash tashkiloti hisobotida Afg‘oniston 189 mamlakat orasida alkogol iste’mol darajasi bo‘yicha to‘rtinchi o‘rinni egallagan.

Shuningdek, Eron ham spirtli ichimliklarni iste’mol qilish va sotish bilan bog‘liq qat’iy qonunlarga ega bo‘lgan islomiy davlat bo‘lib, Eron ushbu ro‘yxatda 9-o‘rinni egallaydi. Bu haqda Afg‘onistonning «Mehvar» gazetasi xabar bermoqda.

O‘z navbatida, Afg‘oniston rasmiylari Jahon sog‘liqni saqlash tashkilotining hisobotidagi ma’lumotlarni yolg‘on va provokasion, deb atadi.