25 ming dollar mojarosi: firibgar ushlandi

Joriy yil 13 sentyabr kuni Shayxontohur tuman IIBga murojaat tushgan. Unda fuqaro M.T. fuqaro R.A.ga 25 ming AQSh dollari miqdorida bergan pullarini qaytarib ololmayotganini aytgan.
 
Murojaatda aytilishicha, Olmazor tumanida yashovchi R.A. 2017 yil oktyabrda M.T.ga Toshkent viloyati Zangiota tumanida joylashgan bir gektar 90 ming dollar yevaziga sotishga kelishgan. 25 ming dollarni oldindan olgan va 6 oy davomida yerni rasmiylashtirib berishni va’da qilgan.
 
Bir yilga yaqin vaqt o‘tsa ham yer hujjatlari rasmiylashtirilmagan. Mazkur holat yuzasidan jinoyat ishi qo‘zg‘atilib, R.A. qo‘lga olingan. Hozirda tergov harakatlari olib borilyapti.

Manba: qalampir.uz