Yangi virus telegramda akkauntlarni egallab, kriptovalyutani o‘g‘irlamoqda

"Check Point Research" (CPR) tadqiqotchilari brauzer ma’lumotlarini, "Telegram" va "Discord" messenjer seanslarini, shuningdek, kriptovalyutani o‘g‘irlash imkoniyatiga ega bo‘lgan "Styx Stealer" nomli yangi zararli dasturiy mahsulotni topdilar.

"Styx Stealer" boshqa taniqli "Phemedrone Steale" virusining oldingi versiyasi asosida yaratilgan bo‘lib, u 2024 yil boshida "Windows Defender SmartScreen"dagi zaiflikdan foydalangandan so‘ng ma’lum bo‘lgan. "Phemedrone" dastlab "GitHub"da mavjud edi, ammo keyinchalik olib tashlandi.