Armaniston Qorabog‘dan voz kechadi

Armaniston Milliy Assambleyasi raisi Alen Simonyan parlamentning navbatdagi yig‘ilishida Qorabog‘dagi vaziyat yuzasidan bir qator muhim bayonotlar berdi.

Uning so‘zlariga ko‘ra, Qorabog‘da endi arman ma’muriyati va hokimiyati yo‘q, «Tog‘li Qorabog‘ prezidenti» atamasi qonunga ziddir.

Simonyan, shuningdek, Ozarbayjonning Qorabog‘ mintaqasida «Tog‘li Qorabog‘ parlamenti» va vakolatli amaldorlar yo‘qligini ta’kidladi.

Armaniston parlamenti spikeri «Armaniston-Artsax (Qorabog‘) parlamentlararo komissiyasi»ni tugatish zarurligini, chunki u o‘z funksiyasini yo‘qotganini aytdi.