Peruning sobiq prezidenti vafot etdi

Peruning sobiq prezidenti Alberto Fuximori 86 yoshida vafot etdi. Bu haqda uning qizi Keyko Fuximori X ijtimoiy tarmog‘idagi sahifasida ma’lum qildi .

Peruning sobiq rahbari saraton kasalligi bilan uzoq davom etgan kurashdan so‘ng vafot etdi. «Uni qadrlaganlardan ruhining abadiy orom topishi uchun ibodatda biz bilan birga bo‘lishlarini so‘raymiz. Katta rahmat, dada!» — deb yozdi siyosatchining qizi.

Fuximori 1990 yildan 2000 yilgacha Peru prezidenti bo‘lgan, shundan so‘ng u 15 yildan ortiq qamoqda o‘tirgan. U hokimiyatni suiiste’mol qilish, korrupsiya va insoniyatga qarshi jinoyatlarda aybdor deb topildi. Siyosatchi 2023 yilda kasallik tufayli gumanitar sabablarga ko‘ra ozod etilgan edi.