Qozog‘istonda o‘likxona qo‘riqchisi jasadlarni zo‘rlaganlikda gumonlanmoqda

Olmaota prokuraturasi Olmaota o‘likxonasida nekrofiliyada gumon qilinayotgan shaxsga nisbatan tergov jarayonining borishiga izoh berdi.

Unga ko‘ra, 24 aprel kuni halok bo‘lganlarning jasadlari buzilganligi bo‘yicha tergovga qadar tekshiruv boshlangan. Biroq hozirda «Qozog‘iston Respublikasi Jinoyat-prosessual kodeksining 45-moddasi 7-qismi 4-bandi bo‘yicha dastlabki tergov muddatlarini to‘xtatish to‘g‘risida» qaror qabul qilingan.

Avvalroq, 2024 yilning aprel oyida polisiya o‘likxonada jasadlarni zo‘rlashda gumonlanuvchini qo‘lga olgan edi. Qozog‘iston Adliya vazirligi gumonlanuvchining Sud ekspertiza markazi va uning hududiy bo‘linmalari bilan mehnat munosabatlari yo‘qligini ma’lum qildi. U xususiy xavfsizlik kompaniyasida ishlagan.

Biroq, keyinchalik ushbu kompaniya direktori gumonlanuvchi ularning xodimlarida emasligini, balki tungi smenada qo‘riqchini almashtirayotganini aytdi. Kompaniya direktorining so‘zlariga ko‘ra, qo‘riqchilar o‘likxona binosining ichki qismiga kirish imkoniga ega bo‘lmagan.