Shaxmatchilarimiz olimpiadani g‘alaba bilan boshladi

Vengriya poytaxti Budapesht shahrida 45-Butunjahon shaxmat Olimpiadasining 1-tur o‘yinlari O‘zbekiston shaxmatchilari uchun muvaffaqiyatli yakunlandi.

Musobaqaning 1-turida erkaklar terma jamoamiz Trinidad va Tobago bilan, ayollar terma jamoamiz esa Gaiti bilan kuch sinashdi.

O‘zbekiston erkaklar terma jamoasi Trinidad va Tobago 2,5:0,5 hisobida dog‘da qoldirdi.

Nodirbek Abdusattorov - Joshua Jonson 1:0

Nodirbek Yoqubboyev - Kuinn Kabralis 0,5:0,5

Shamsiddin Vohidov - Kevin Kupid 1:0

Jahongir Vahidov - Xarper Ryan 0:0.

Ayollar o‘rtasida o‘tgan dastlabki turda mamlakatimiz shaxmatchi qizlari katta ustunlik bilan raqiblarini mag‘lub etdi.

O‘zbekiston - Gaiti 4:0.

Afruza Hamdamova - Rouz Sein 1:0

Nilufar Yoqubboyeva - Merisena Kadeau 1:0

Umida Omonova - Jonet Davena 1:0

Nodira Nodirjonova - Kineberli Dunat 1:0