Pezeshkian islom davlatlari o‘rtasidagi chegaralarni yo‘q qilishga chaqirdi

Xorijiy safari doirasida Iroqda bo‘lgan Eron prezidenti Masud Pezeshkian Iroq yetakchisi Abdul Latif Rashid bilan uchrashuvda Yevropa Ittifoqida bo‘lgani kabi islomiy davlatlar o‘rtasidagi chegaralarni yo‘q qilishga chaqirdi. Bu haqda Eron ijroiya hokimiyati xabar bermoqda.

Pezeshkian Eron va Iroq o‘rtasidagi munosabatlarning uzoq tarixiga ishora qilib, islomiy davlatlar uchun umumiy ittifoq yaratish zarurligini ta’kidladi.

«Pezeshkian Yevropa Ittifoqi tomonidan amalga oshirilganidek, islom mamlakatlari o‘rtasidagi chegaralarni yo‘q qilishga chaqirdi», deyiladi prezidentning veb-saytidagi bayonotda.