Turkiya fuqarolarini Livanni tark etishga chaqirmoqda
Turkiya Tashqi ishlar vazirligi Livandagi xavfsizlik vaziyatining yomonlashishi mumkinligi sababli fuqarolarni ogohlantirdi.
«Mintaqamizdagi so‘nggi voqealar tufayli Livandagi xavfsizlik bilan bog‘liq vaziyat tezda yomonlashishi ehtimoli bor», — deyiladi tashqi ishlar vazirligi bayonotida.
✍️ Tashqi ishlar vazirligi fuqarolarga o‘ta zarurat bo‘lmasa, Livanga sayohat qilishdan tiyilishlarini qat’iy tavsiya qiladi. Mamlakatda bo‘lganlarga ehtiyot bo‘lish va iloji bo‘lsa Nabatiya, Janubiy Livan, Bekaa va Baalbek-Hermel gubernatorliklariga bormaslik tavsiya etiladi.
«Livanda bo‘lishi shart bo‘lmagan fuqarolarga tijoriy reyslar davom etayotgan vaqtda mamlakatni tark etish tavsiya etiladi», — deya ta’kidladi Tashqi ishlar vazirligi.
Matnda xatolik topsangiz, o‘sha xatoni belgilab, bizga jo‘nating (Ctrl + Enter)
