Qirollik ot gvardiyasining otlari to‘rt kishini jarohatladi

Londonda qirollik ot gvardiyasining qochib ketgan otlari tufayli to‘rt kishi jarohatlandi.

Bu haqda Sky News yozmoqda.

Armiya vakilining aytishicha, 24 aprel, chorshanba kuni ertalab o‘tkazilgan “odatiy mashg‘ulot” chog‘ida “bir nechta harbiy xizmatchilar” saflarini buzgan.

London tez yordam xizmati ma’lum qilishicha, ot bilan bog‘liq uchta hodisadan keyin to‘rt kishi kasalxonaga olib ketilgan.

Qayd etilishicha, bitta ot to‘xtab turgan ikki qavatli sayyohlik avtobusiga urilib, old oynasini sindirgan.

Hozirda barcha qochib ketgan otlar ushlangan.