Qandolatchilik sohasidagi tadbirkorlar va eksportyorlar muammo va takliflari tinglandi
Savdo-sanoat palatasida qandolatchilik, qishloq xo‘jaligi, mahalliy sanoat mahsulotlarini ishlab chiqaruvchilari-eksportyorlari ishtirokida davra suhbati o‘tkazildi.
Unda Savdo-sanoat palatasi raisi Davron Vaxabov, Bojxona qo‘mitasi raisi o‘rinbosari Nodir Musamuhamedov, O‘zbekiston oziq-ovqat sanoati uyushmasi raisi Bahodir Umirshayxov ishtirok etdi.
Muloqot chog‘ida bugungi kunda qandolatchilik sohasidagi tadbirkorlarda xom ashyo va tayyor mahsulotlar importida yuzaga kelayotgan muammolarni aniqlash va ularni huquqiy jihatdan bartaraf qilish masalalari muhokama qilindi, shuningdek, eksportyor korxonalarga amaliy yordam berish maqsadida ularning muammo va takliflari tinglandi.
Uchrashuv yakunida amaliyotdagi mavjud muammolar va ularga taklif etilayotgan yechimlar umumlashtirilgan holda, ko‘rib chiqish uchun Hukumatga va tegishli idoralarga yuborilishi yuzasidan kelishib olindi.