Rossiya may oyining oxirida Ukrainaga yirik hujumni rejalashtirmoqda — Financial Times

Rossiya may oyining oxirida Ukrainaga yirik hujumni rejalashtirmoqda, deya yozmoqda Financial Times. Gazeta bu haqda Ukraina razvedkasining yuqori martabali ikki amaldoriga tayanib yozmoqda.

Rossiya armiyasi qurolli operasiyadan oldin Xarkov va boshqa strategik muhim shaharlarga zarba berishi mumkin. Manbalardan biri Xarkovga 20-40 ming askar ishtirokidagi hujum ehtimolini qayd etgan.

"Bunday yirik hujum bizni shimoliy yoki sharqiy frontni himoya qilish o‘rtasida tanlashga majbur qilishi mumkin. Ikkalasini ham birday himoya qilish esa ancha qiyin masala" — deya tushuntiradi nashr suhbatdoshi.