Prezident siyosatiga qarshi miting!

23 aprel kuni yuz minglab argentinaliklar, ayniqsa, talabalar Buenos-Ayres ko‘chalariga chiqib, prezident Xavyer Mileyning oliy ta’lim sektoridagi byudjetni qisqartirganiga norozilik bildirishdi.

Bu haqda Deutsche Welle xabar berdi.

Bu Miley hokimiyatga kelganidan beri unga qarshi o‘tkazilgan eng yirik namoyishlardan biri bo‘lmoqda. Talabalar, ota-onalar, o‘qituvchilar, universitet xodimlari, shuningdek, kasaba uyushmalari a’zolari va muxolif partiyalar poytaxt markaziga to‘planib, prezident qarorgohi tomon yurishgan.