Madaniyat vazirida koronavirus aniqlandi

Fransiya Madaniyat vaziri Frank Risterda COVID-19 koronavirusi borligi aniqlandi, deb xabar beradi France Press vazirning idorasi ma’lumotiga tayanib.

46 yoshli vazir o‘tgan hafta Fransiya milliy majlisida qatnashganida kasallikni yuqtirgan bo‘lishi mumkinligi taxmin qilinmoqda. Koronavirus besh deputatda aniqlandi.

Hozir vazir Parijdagi uyida.

Fransiyada koronavirus bilan og‘rigan bemorlar soni 1412 kishini tashkil etadi, 25 kishi ushbu kasallikning qurboniga aylandi, deb xabar beradi mamlakat sog‘liqni saqlash Bosh boshqarmasi boshlig‘i Jerom Salomon.

centralasia.media