Isroil harbiylari G‘azo sektoridagi Rafah shahriga hujumga tayyorgarlikni yakunladi
ID harbiylari Rafahda hujum operasiyasiga tayyorgarlikni to‘liq yakunladi, deb yozadi Reuters Isroil hukumatining yuqori martabali amaldoriga tayanib. Jurnalistlarning fikricha, hujum mamlakat rahbariyatidan signal kelishi bilanoq boshlanishi mumkin.
Bir kun avval The Wall Street Journal nashri Misr rasmiylari Rafahda quruqlikdagi operasiya o‘tkazilishi rejalashtirilgani haqida ogohlantirilgani haqida xabar bergan edi. Biroq Misr axborot xizmati rahbari Diaa Rashvan Isroil bilan bunday aloqalarni rad etadi. Uning so‘zlariga ko‘ra, Misr Rafahga hujum qilish rejalarini qat’iyan rad etadi va bu masala bo‘yicha o‘z pozisiyasini bir necha bor aniq bildirgan.
Shu bilan birga, BMT anklavga katta hajmdagi oziq-ovqat muntazam yetkazib berilmas ekan, yaqin kelajakda G‘azo sektorida ocharchilik xavfi borligidan ogohlantirmoqda.
«Vaziyat juda xavotirli. Biz har kuni ocharchilikka yaqinlashamiz», dedi Jahon oziq-ovqat dasturining Jeneva bo‘limi direktori Jankarlo Chirri G‘azo sektoridagi ikki yoshgacha bo‘lgan bolalarning uchdan bir qismi o‘tkir to‘yib ovqatlanmasligini eslatib.
