Islam Maxachevga Habib bilan bog‘liq zo‘r yangilik aytildi
Qurbon Hayiti bayrami arafasida Islam Maxachev ajoyib bir yangilikdan voqif bo‘ldi.
Xabib Nurmagomedov va Islam Maxachevning murabbiyi Xavyer Mendes ushbu xabarni chempionga yetkazdi. Uning aytishicha, UFC Shon-sharaf muzeyi a’zosi hisoblangan Xabib Nurmagomedov yengil vazn chempioni Islam Maxachevning keyingi barcha janglarida sekundant vazifasini bajaradi.
"Poryega qarshi jang oldidan Xabib menga shunday dedi: "Men Islamning janglarida uning burchagida bo‘laman. Shuningdek, yana boshqa yuqori darajadagi jangchilarga ham sekundant sifatida yordam beraman. Men burchakka qaytganimdan xursandman".
Matnda xatolik topsangiz, o‘sha xatoni belgilab, bizga jo‘nating (Ctrl + Enter)
