Serbiya UYEFAga Yevro-2024'ni tark etish bilan tahdid qilmoqda

Serbiya futbol assosiasiyasi bosh kotibi UEFAga Xorvatiya va Albaniyani jazolash so‘rovini yubordi.

Serbiyaning da’vo qilishicha, Xorvatiya va Albaniya muxlislari chorshanba kuni Gamburgda o‘tkazilgan 2:2 hisobidagi durang o‘yinida "o‘ldir, o‘ldir, serbni o‘ldir" deb hayqirgan.

Mamlakat futbol assosiasiyasi bosh kotibi Yovan Surbatovich UEFAga Xorvatiya va Albaniya muxlislarini qichqirgani uchun jazolash talabini yubordi.

Aslida, u hech qanday chora ko‘rilmasa, Serbiyaning Yevropa chempionatini tark etishga tayyorligi haqida ogohlantirgan.

Avvalroq Kosovolik jurnalist o‘yin vaqtida serb muxlislari tomon qayrilgan va qo‘llari bilan ikki boshli burgutni ifodalagan.