Iqlimni jilovlash: Kim Chen In ko‘proq daraxt ekishni buyurdi

KXDR rahbari Kim Chen In mamlakatni boshqaruvchi Koreya Mehnat partiyasi Siyosiy byurosi a’zolarini iqlim o‘zgarishiga qarshi kurashga qo‘shilishga chaqirdi. Bu haqda BBC News xabar bermoqda. Davlat rahbari o‘z bo‘ysunuvchilaridan oziq-ovqat muammosini zudlik bilan hal qilishni talab qildi.

So‘nggi yillarda iqlim tobora g‘ayritabiiy bo‘lib bormoqda, dedi Shimoliy Koreya hukmdori va bu tahdidga shoshilinch chora ko‘rish zarurligiga ishora qildi. Unga ko‘ra, rasmiylar suv toshqini va qurg‘oqchilikka qarshi kurashishi kerak.

Mamlakat rahbari boshqa shoshilinch choralar qatorida daryolarning holatini yaxshilash, tuproq eroziyasiga qarshi daraxtlar ekish, to‘g‘onlar va boshqa gidrotexnik inshootlarni modernizasiya qilishni alohida qayd etdi.

Nafaqat kuchli yomg‘ir va tayfunlar ko‘rinishidagi tabiiy ofatlar, balki xalqaro sanksiyalar va pandemiya tufayli chegaralarning yopilishi Shimoliy Koreyaliklarni asosiy sherigi va "donor" - Xitoydan mahsulot yetkazib berishdan mahrum qilmoqda.

Qayd etilishicha, Shimoliy Koreyada koronavirus bilan kasallanish holati qayd etilmagan, biroq boshqa davlatlar singari u ham o‘z chegaralarini yopib, qattiq karantin joriy qilgan. Bu hafta Pxenyan Xitoydan ishlab chiqarilgan Sinovac vaksinalarining 3 million dozasini tashlab, partiyani COVIDdan ko‘proq zarar ko‘rgan mamlakatlarga yuborishni taklif qildi.