Inson uchun nimalardan foyda yo‘q?..
Allohga yaqinlashishga intilmaydigan qalbdan;
Allohga xizmat qilmaydigan va bo‘ysunmaydigan tanadan;
Alloh rizosi ko‘zlanmagan muhabbatdan;
Allohga yaqinlashtirmaydigan, dunyo va abadiy hayot uchun foyda bermaydigan ishdan;
Allohga yaqin qiladigan solih amallarni bajarish va gunohlarga tavba qilish uchun sarflanmaydigan vaqtdan;
Allohga itoatsiz kishidan qilingan umiddan.
Foydasiz fikrlar bilan band bo‘lgan aqldan;
Amaliyotga tatbiq qilinmagan bilimdan;
Maqsadsiz va sidqidildan qilinmagan harakatdan;
Befoyda sarflanuvchi boylikdan.
Allohning zikriga beparvo qalb, solih amallarsiz o‘tkazilgan vaqt eng katta zarardir. O‘tkinchi dunyo havaslariga berilgan kishining qalbi g‘aflatda qoladi. Vaqtni bekorga sarflash esa bora-bora pushaymonlik keltiradi. Shu bois inson foydasiz narsalardan chetlanib, har bir xatti-harakatini Alloh rizosi uchun qilsa, ikki dunyo saodatiga musharraf bo‘ladi, inshoalloh.