Inqirozga qarshi kurashish jamg‘armasi mablag‘lari qayerga sarf qilingani haqida ma’lumot berildi
Moliya vazirligi Inqirozga qarshi kurashish jamg‘armasining mablag‘lari qayerga sarf qilinganligi to‘g‘risida ma’lumotlarni e’lon qildi.
Jamg‘armaning jami daromadi 7,44 trln so‘m bo‘lgan, shularning 7,32 trln so‘mi (98,3%) xalqaro moliya institutlarining imtiyozli kreditlari evaziga shakllantirilgan.
Bugungi kungacha jami 3,3 trln so‘m xarajat qilingan.
Eng ko‘p mablag‘ Sanitariya-epidemiologik osoyishtalik agentiligiga ajratilgan - 573 mlrd so‘m.
Keyingi eng ko‘p mablag‘ “Issiq elektr stansiyalar” AJga sarflangan va 500 mlrd so‘m subsidiya berilgan.
Boshqa yirik xarajatlar quyidagilar:
406 mlrd – “Uzbekistan Airways” AJga ssuda;
401 mlrd — "O‘zbekneftgaz" AJga subsidiya;
101 mlrd - “Uzbekistan Airports” AJga ssuda;
100 mlrd – Jamoat ishlari jamg‘armasiga (ishsiz fuqarolarni vaqtincha ishlarga jalb qilish uchun);
60 mlrd – Kasaba uyushmalari federasiyasiga (kam ta’minlangan xotin-qizlarni qo‘llab-quvvatlash uchun);
50 mlrd – Bandlikka ko‘maklashish jamg‘armasiga (shaxsiy tomorqalarni rivojlantirish uchun);
40 mlrd —“Birinchi rezinotexnika zavodi” MCHJga ssuda;
11 mlrd – “Toshkent metropoliteni” va “Toshshahartransxizmat” xodimlariga ish haqi uchun.
Shuningdek, quyidagi maqsadlar yo‘lida ham mablag‘lar sarflangan:
504 mlrd – suv ta’minoti va irrigasiya tadbirlari bilan bog‘liq xarajatlar uchun;
487 mlrd – shifoxonalar va karantin majmualarini qurish va jihozlash uchun;
70 mlrd – ijtimoiy nafaqalar uchun.
