Hamas charchadimi? Guruh qo‘mondonlari rahbariyatga bosim o‘tkazib, o‘t ochishni to‘xtatishga rozi bo‘lishmoqda
Hamas charchadimi? Guruh qo‘mondonlari rahbariyatga bosim o‘tkazib, o‘t ochishni to‘xtatishga rozi bo‘lishmoqda - Markaziy razvedka boshqarmasi.
HAMAS terrorchilik guruhining harbiy qo‘mondonlari tashkilotning G‘azo sektori rahbari Yahyo Sinvarga Isroil bilan o‘t ochishni to‘xtatishga rozi bo‘lishi uchun bosim o‘tkazmoqda. Bu haqda Markaziy razvedka boshqarmasi rahbari Uilyam Berns amerikalik yuqori martabali amaldorlar va milliarderlar uchun tashkil etilgan yopiq anjumanlardan birida aytib o‘tdi, deb xabar bermoqda CNN manbalarga tayanib.
7-oktabr kuni Isroilda sodir etilgan hujumning asosiy tashkilotchisi Sinvar o‘z karerasi uchun qo‘rqmaydi, biroq bosimga duch kelmoqda, chunki u G‘azo sektoridagi dahshatli azob-uqubatlarda ayblanmoqda, deya uning so‘zlaridan iqtibos keltirgan Berns manbasi. Bundan tashqari, HAMAS qo‘mondonlarining o‘zlari urushdan charchaganliklari haqida gapirishadi.
AQSh razvedkasi rasmiylariga ko‘ra, Sinvar o‘zining tug‘ilgan joyi, G‘azo sektoridagi Xon Yunis ostidagi tunnellarda yashiringan va XAMASning kelishuvga rozi bo‘lish-bo‘lmasligi borasida asosiy qaror qabul qiluvchisi hisoblanadi.
Bayden ma’muriyatining yuqori lavozimli rasmiysi sifatida bir necha oy muzokaralarga rahbarlik qilgan Bernsning aytishicha, Isroil hukumati ham, Xamas ham urush boshlanganidan to‘qqiz oydan ko‘proq vaqt o‘tib, o‘t ochishni to‘xtatishga erishish uchun shu daqiqadan foydalanishga majburdir.
