Erdog‘an: «BMTdan adolat kutib bo‘lmaydi»

Turkiya prezidenti Rajab Toyyib Erdog‘an yana bir bor BMTni isloh qilishga chaqirdi, deya xabar bermoqda Anadolu agentligi.

Uning aytishicha, musulmonlar global muammolarni hal etishda qatnasha olmayapti. Qolaversa, musulmon mamlakatlar o‘z kelajaklarini muhokama qilishdan ham chetlatilgan.

1,7 milliard kishilik Islom dunyosining BMT Xavfsizlik Kengashi doimiy a’zolari orasida vakili yo‘q. Qaytarib aytaman: BMT Xavfsizlik Kengashining besh doimiy a’zosi dunyoning taqdirini hal qilmasligi kerak , dedi Turkiya prezidenti.

Shuningdek, u Xavfsizlik Kengashining 15 muvaqqat a’zosining hech qanday ahamiyati yo‘qligini, ular qo‘lini ko‘tarib-tushirish dan boshqa narsaga yaramasligini aytdi.

Manba: azon.uz