BMT Suriyaning shimoli-sharqida vaziyat og‘irlashayotganidan ogohlantirdi
BMT Bosh kotibi Antoniu Guterrish Suriyaning shimoli-sharqida gumanitar vaziyat org‘irlashganidan xavotir bildirdi. Uning aytishicha, hududda yashagan kamida 160 ming kishi uylarini tark etishga majbur bo‘lgan.
Ma’lumki, Turkiya armiyasi 9 oktyabrdan beri Suriyaning shimoli-sharqida harbiy operasiya o‘tkazib kelmoqda. Guterrish tomonlarni bosiqlikka undab, xalqaro gumanitar huquqqa va BMT nizomiga rioya etishga chaqirdi.
Suriyaliklarning hududni tark etishi davom etmoqda. Ayn-Issa lageridagi 13 ming qochqin esa to‘qnashuvlarning orasida qolgan. Lagerdagilardan ba’zilari xavfsiz joyga qochgan bo‘lsa-da, aksari buning ilojini topolmagan.
BMT tinch aholini himoyalashni hamda odamlarning xavfsiz joyga ketishiga imkoniyat yaratilishini talab qilmoqda.
Manba: azon. uz