Arisdagi portlashlar sabab O‘zbekistonning sakkizta poyezdi harakati vaqtincha to‘xtatildi
«O‘zbekiston temir yo‘llari» matbuot xizmati Qozog‘istonning Aris shahridagi harbiy qismda yuz bergan portlash munosabati ayrim poyezdlar harakatlanishi vaqtincha to‘xtatilganini ma’lum qildi. Qayd etilishicha, «Qazaqstan temir jo‘li» kompaniyasi tomonidan harakat xavfsizligini ta’minlash maqsadida ayrim yo‘lovchi poyezdlar harakati vaqtincha to‘xtatilgan (ayrim poyezdlar harakati 24 iyunning o‘zidayoq to‘xtatilgan edi.
Quyidagi yo‘lovchi poyezdlarining Aris stansiyasi orqali harakati vaqtincha to‘xtatiladi:
№5/6 Toshkent – Moskva
№149/150 Andijon – Moskva
№315/316 Toshkent – Qozon
№369/370 Toshkent – Novosibirsk
№381/382 Toshkent – Ufa
№365/366 Toshkent – Chelyabinsk
№321/322 Olmaota – Nukus
№2/1 Olmaota – Toshkent
«Mazkur yo‘nalishlar uchun chiptalarni sotib olgan yo‘lovchilarga temiryo‘l kassalariga yo‘l hujjatlari (chiptalari) taqdim etilganida chiptalarning qiymati to‘laligicha qaytariladi», — deyiladi «O‘zbekiston temir yo‘llari»ning xabarida.
