AQSh va Xitoy 2021 yil dekabr oyidan buyon ilk bor maslahatlashuvlar o‘tkazdi

AQSh va Xitoy harbiylari havo va dengizdagi hodisalarning oldini olish bo‘yicha ikki kunlik ishchi maslahatlashuvlar o‘tkazdi, uchrashuvlar Gavayida bo‘lib o‘tdi.

Pentagon ma’lumotlariga ko‘ra, Amerika delegasiyasiga AQSh armiyasi polkovnigi Yan Frensis boshchilik qilgan.

“Bu yilgi munozaralarda AQSh Hind-Tinch okeani qo‘mondonligi, AQSh Tinch okeani floti va AQSh Tinch okeani havo kuchlari vakillari Xitoy Xalq ozodlik armiyasidagi hamkasblari bilan uchrashdi”, — deyiladi press-relizda.

Oxirgi maslahatlashuv 2021-yil dekabr oyida bo‘lib o‘tgan.