2019 yilda islom dinini qabul qilib, Janubiy Koreyada masjid qurish rejasini e’lon qilgan mashhur YouTuber ko‘plab muammolarga duch keldi

2019 yilda islom dinini qabul qilib, Janubiy Koreyaning Incheon shahrida masjid qurish rejasini e’lon qilgan mashhur YouTuber Daud Kim ko‘plab muammolarga duch keldi.

YouTube'da 5,5 milliondan ortiq obunachiga ega 30 yoshli Daud Kim masjid qurish uchun yer sotib oldi.

💰Ko‘chmas mulk oldi-sotdi shartnomasida u Unbuk-dong shahridan 284,4 kvadrat metr yerni 189,2 million vonga (136 600 AQSh dollari) sotib olishga rozi bo‘lganini ko‘rsatdi. Kim u yerda masjid qurishga umid qilayotganini aytib, muxlislaridan moliyaviy yordam so‘radi.

✍️Ammo, mahalliy ma’lumotlarga ko‘ra, yerning avvalgi egasi yer shartnomasini bekor qilishni talab qilgan.
Oldingi egasining so‘rovining aniq sabablari noma’lum.

📚Kim yaqin atrofda istiqomat qiluvchi musulmon bo‘lmagan koreys aholisi tomonidan kuchli qarshilikka duch keladi. Rejaga e’tirozlar Yeongjeong aholisi uchun onlayn forumda e’lon qilindi. Ba’zi sharhlarda masjid rejasi «hududdagi uy-joy narxini pasaytiradi» deb aytilgan.