"Биз шошилмаяпмиз": Путин Украинадаги жанговар ҳаракатлар ҳақида гапирди

Украинадаги жанговар ҳаракатлардан мақсад "Донбасснинг бутун ҳудудини озод қилиш" ва "махсус ҳарбий операция режаси тузатилиши шарт эмас", деди Россия президенти Владимир Путин Шанхай ташкилотининг (ШҲТ) Самарқанддаги саммитдаги иштироки якунлари бўйича матбуот анжуманида.

“Жараёнда тезкор қарорлар қабул қилинмоқда, ҳужум операцияси тўхтамаяпти, лекин биз шошаётганимиз йўқ. Россия Федерацияси Қуролли Кучлари яқинда бир нечта нозик зарбалар берди, биз буни огоҳлантириш деб ҳисоблаймиз ", деди у.

Шунингдек, у Украинадаги Россия "бутун армия билан эмас, фақат шартнома қисми билан жанг қилишини" айтди.