Трамп: Қўшма Штатларга бошқа мамлакатлардаги қамоқхоналар ва руҳий касалхоналарда бўлган одамлар келди

Қўшма Штатлар чегарасини кесиб ўтган ҳужжатсиз муҳожирлар орасида бошқа мамлакатлардаги қамоқхоналар ёки руҳий касалхоналарда бўлганлар ҳам бор.

Бу ҳақда АҚШнинг собиқ президенти Доналд Трамп «WGAL» нашрига берган интервьюсида маълум қилди.

«Улар (ҳозирги Америка маъмурияти) бизга дунёнинг турли бурчакларидан келган одамларнинг мамлакатимизга киришига имкон берувчи очиқ чегаралар керак, деган қарорга келишди: биз қамоқхоналардан, руҳий шифохоналардан барчани қабул қиламиз», — деди у.

Шу билан бирга, Трамп муҳожирлар орасида АҚШга фойда келтирувчи одамлар борлигини тан олди.