Yurtimizda bugun ham koronavirusdan tuzalganlar 1000dan oshdi
Bugun mamlakatimizning 10 ta hududida koronavirus infeksiyasidan davolanayotgan bemorlardan 1 448 nafari sog‘aydi.
Jumladan, bemorlarning 1 104 nafari Toshkent shahrida, 256 nafari Toshkent viloyatida, 22 nafari Qashqadaryo viloyatida, 21 nafari Samarqand viloyatida, 17 nafari Sirdaryo viloyatida, 10 nafari Andijon viloyatida, 9 nafari Namangan viloyatida, 5 nafar Xorazm viloyatida, 2 nafari Navoiy viloyatida hamda yana 2 nafari Farg‘ona viloyatida kasallikdan forig‘ bo‘ldi.
Shunday qilib, mana to‘rt kundirki, yurtimizda koronavirus infeksiyasidan sog‘ayganlar soni ming nafardan oshmoqda.
Eslatib o‘tamiz, 11 avgust kuni 1 098 nafar bemor kasallikdan forig‘ bo‘ldi. 12 avgust kuni mamlakatimizning turli hududlarida 1 569 nafar bemor tuzalib, sog‘ayganlar ko‘rsatkichi bo‘yicha rekord natija qayd etilgan edi. Kecha, 13 avgust kuni esa “COVID-19”dan 1 554 nafar bemor sog‘aydi. Bugungi kunga kelib, yurtimizda koronavirus infeksiyasidan tuzalganlar soni 28 661 nafarga, sog‘ayish ko‘rsatkichi esa 84 foizga yetdi.
Sog‘liqni saqlash vazirligi
Jamoatchilik bilan aloqalar bo‘limi.
