G‘azoda o‘t ochishni to‘xtatish bo‘yicha muzokaralar to‘xtab qoldi

Oq uy matbuot kotibi Jon Kirbining aytishicha, Qohirada Isroil hukumati va HAMAS o‘rtasidagi muzokaralarning so‘nggi bosqichi muvaffaqiyatsiz yakunlangan. AQSh Milliy Xavfsizlik Kengashida, dedi u, «bu chuqur afsusga sabab bo‘ladi».

Kirbining aniqlik kiritishicha, hozirda muzokaralar bo‘lib o‘tgan uchrashuvlar to‘xtatilgan, ammo Qo‘shma Shtatlar muloqotni qayta boshlash uchun harakat qilmoqda.

«Biz kelishuvga erishish mumkinligiga ishonishda davom etamiz», dedi Kirbi.

The Wall Street Journal nashrining yozishicha, muzokarachilar kelasi hafta boshida Qohira yoki Qatar poytaxti Dohada ularga qaytishni rejalashtirmoqda.

Shu bilan birga, AQSh rasmiylarining aytishicha, Isroil anklavda Amerika qurollaridan foydalangan holda G‘azo sektorida xalqaro gumanitar qonunlarni buzgan bo‘lishi mumkin. AQSh Davlat departamenti hisobotida ta’kidlanganidek, jangovar zonadagi og‘ir vaziyat tufayli ayrim hodisalarni baholash yoki aniq xulosalar chiqarish qiyin, biroq «jiddiy xavotir uyg‘otadigan hodisalar yetarlicha qayd etilgan».