XAMAS yangi rahbar tanlash jarayonini boshladi

Falastinning Xamas harakati Tehronda Ismoil Haniya o‘ldirilganidan keyin yangi rahbar tanlash jarayonini boshladi. Bu haqda shanba kuni tashkilot rasmiy bayonotida ma’lum qildi.

«Rahbarimiz [Ismoil Haniya] shahid bo‘lgach, harakat rahbariyati o‘zining boshqaruv va maslahat muassasalarida harakatning yangi rahbarini tanlash bo‘yicha keng ko‘lamli maslahatlashuv jarayonini boshladi», — deyiladi bayonotda.

Hamas harakati Haniyaning o‘ldirilishi «Falastin Xamas va Falastin qarshiliklarini yanada kuchliroq va o‘z yo‘li va yondashuvini davom ettirishda qat’iyroq qilishini» ta’kidladi.

Falastin harakati yangi rahbarni tanlash bo‘yicha maslahatlashuvlar natijalarini maslahatlashuvlar yakunlanganidan keyin e’lon qilishini ma’lum qildi.