O‘zbekistonda koronavirusga chalinganlarga qanday dorilar berilmoqda?

Koronavirusga chalingan bemorlarga qanaqa dori-darmonlar va preparatlar ishlatilmoqda? Bu savolga Koronavirusga qarshi kurash shtabi a’zosi Habibulla Oqilov javob berdi.

"Hozirgi vaqtda bir nechta dori-vositalardan foydalanilmoqda, xususan, antibakterial preparatlar – Azitromisin, qon suyultirishga – Geparin, Kleksan, virusga qarshi – Lopinavir/Ritonavir, Avigan va Gidroksixloroxin kabi dorilar ko‘proq ishlatilmoqda. Oksigenoterapiya (kislorod bilan davolash) xam yaxshi samara ko‘rsatyapti. Og‘ir turlarda simptomatik davo o‘tkaziladi, ya’ni sun’iy nafas olish apparatiga ulanadi", — dedi u.