Ukraina Rossiya aerodromidagi hujumni tasdiqladi
Ukraina armiyasi tunda Lipetsk viloyatidagi Rossiya aerodromiga zarba berib, o‘q-dorilar omborlarini vayron qilganini tasdiqladi.
«Kecha tunda Ukraina mudofaa kuchlari Lipetsk aerodromiga hujum qildi», — dedi Ukraina Bosh shtabi Telegram’dagi xabarida va u «boshqariladigan havo bombalari omborlari va bir qator boshqa ob’ektlarga» zarba berganini qo‘shimcha qildi.
«Bir nechta chaqnash manbalari qayd etildi, katta yong‘in chiqdi va ko‘plab portlashlar kuzatildi», — deyiladi postda.
Aerodromda Rossiyaning Su-34, Su-35 va MiG-31 samolyotlari joylashgani qo‘shimcha qilingan.
Eslatib o‘tamiz, avvalroq Rossiya «yirik» dron hujumi haqida xabar berib, mintaqada favqulodda holat e’lon qilgan va evakuasiya qilishga buyruq bergan edi.