Toshkentda salyut sotuvchilari ushlandi. Ularni qanday jazo kutmoqda?

“O‘zko‘rgazmasavdo” majmuasi yaqinida umumiy narxi 2000 AQSh dollari bo‘lgan 10 dona salyut va pirotexnika vositalarini sotishga uringan erkaklar qo‘lga olindi.

«UzNews.uz»ning huquqni muhofaza qilish organlaridagi manbasining xabar berishicha, joriy yilning 6 dekabr kuni 1991 yilda tug‘ilgan M.M. va 1996 yilda tug‘ilgan M.A. umumiy narxi 2000 AQSh dollari bo‘lgan 8 dona «7D» nomli salyut va 2 dona «Xlopushka feyerverk» pirotexnika buyumlarini sotishga uringan.

Mazkur holat yuzasidan O‘zbekiston Respublikasi Jinoyat kodeksining 250/1-2 «b» bandi bilan jinoyat ishi qo‘zg‘atilgan. Mazkur band EKIHning 100 baravaridan 300 baravarigacha jarima to‘lash, 2 yildan 3 yilgacha ahloq tuzatish ishlarini olib borish yoki 3 yildan 5 yilgacha ozodlikdan mahrum etish ko‘rinishidagi jazoni o‘z ichiga oladi.

Hozirda ushbu holat bo‘yicha tergov harakatlari olib borilmoqda.