Toshkent issiqlik ta’minoti tizimi boshqaruvi “Veolia” kompaniyasiga topshirildi

Fransiya kompaniyasi nafaqat tizimni boshqaradi, balki uni modernizasiya qilish bilan shug‘ullanadi. Bitim 30 yil muddatga mo‘ljallangan.

“Veolia” 30 yil davomida quyidagilar bilan shug‘ullanadi:

➖markazlashtirilgan isitish va issiq suv ta’minoti tizimlarini ekspluatasiya qilish va ularga xizmat ko‘rsatish;

➖qanday sarmoyalar kerakligini aniqlash uchun markaziy isitish tizimi va issiq suv inshootlarini baholash;

➖operasion aktivlar dasturlarini moliyalashtirish;

➖loyihalarni boshqarish.

Bundan tashqari, kompaniya yaqin ikki yil ichida Bektemir va Sergeli tumanlarining isitish tizimini modernizasiya qilish majburiyatini olgan. Sinov loyihasi natijalariga ko‘ra, butun Toshkent modernizasiya qilinadi.