Salimboy va Baxti Tashkentskiyning marg‘ilonlik yordamchisi ushlandi

Farg‘ona viloyati, Marg‘ilon shahrida Baxti Tashkentskiy va Salim Abduvaliyevlarning sherigi Abdullo Egamberdiyev qo‘lga olindi. Bu haqda viloyat IIB xabar berdi.

U IIB tezkor xodimlari tomonidan qo‘lga olingan. Abdullo Egamberdiyev 2022-2023 yillarda "qonundagi o‘g‘ri" Baxtiyor Qudratullayev va Salim Abduvaliyevlar bilan yaqin aloqa o‘rnatgan va Marg‘ilon shahrini norasmiy "nazorat qilish"ga uringan.

U avval ham JKning 166-moddasi bilan sudlangan. Hozirda Egamberdiyevga Jinoyat kodeksining 168-moddasi bilan ish ochilib, tergov harakatlari olib borilmoqda.

Abduvaliyev sud hukmi bilan 6 yilga qamaldi, Baxti Tashkentskiy ustidan sud davom etmoqda.