Falastin ma’muriyati rahbari 18 avgust kuni Moskvaga keladi

Falastin ma’muriyati rahbari Mahmud Abbos 18 avgust kuni Rossiyaga tashrif buyuradi, deb yozadi «RIA Novosti». Abbos tashrifi davomida Rossiya prezidenti Vladimir Putin bilan uchrashishga umid qilmoqda. Ular oxirgi marta 2018 yilning fevral oyida bir-birlarini ko‘rishgan.

Kecha Rossiya prezidenti yordamchisi Yuriy Ushakov Falastin rahbarining tashrifining aniq sanalari allaqachon kelishib olinganini aytdi, biroq u sanalarning o‘zini aytmadi.

25 iyun kuni XAMAS terrorchilik guruhi Siyosiy byurosi rahbari o‘rinbosari Musa Abu Marzuk Moskvaga tashrif buyurdi. Uning so‘zlariga ko‘ra, guruh G‘azo sektoridagi rossiyalik garovga olinganlarni ozod qilishga hozircha tayyor emas, biroq Isroil bilan o‘t ochishni to‘xtatish bo‘yicha kelishuvga erishganidan keyin ularni ozod qilishni kutmoqda.