Rossiya barbod bo‘lishi mumkin
Jamiyatda xorijlik va muhojirlarga nisbatan nafrat sun’iy ravishda kuchaytirilmoqda. Bu Rossiya Federasiyasining rivojlanishini sekinlashtirish va uni yo‘q qilish maqsadida qilinmoqda. Bu haqda RF Bosh prokuraturasining Federal xavfsizlik, millatlararo munosabatlar, ekstremizm va terrorizmga qarshi kurashish to‘g‘risidagi qonunlar ijrosini nazorat qilish boshqarmasi prokurori Dmitriy Vagurin ma’lum qildi.
"Migrantlarning qolishlari bilan bog‘liq ko‘plab asosli xavf va qo‘rquvlar bilan birgalikda, radikal fikrli shaxslar ko‘pincha chet elliklarga nisbatan sun’iy ravishda nafrat uyg‘otadi, ayrim odamlarning salbiy harakatlarini butun bir xalq uchun xatti-harakatlar namunasi sifatida ko‘rsatadi", - dedi rasmiy o‘zining Jamoatchilik palatasida zamonaviy ekstremizm tendensiyalari va xavf-xatarlari mavzusidagi nutqida.
Vagurin Telegram kanallarida irqchilik va millatchilik mazmunidagi chiqishlar oshib borayotganini ta’kidladi. Uning so‘zlariga ko‘ra, ularda xorijliklarga oid juda ko‘p salbiy axborot xabarlari chop etilmoqda.
"Bu mamlakat aholisini bo‘lish, xalqlar o‘rtasida adovat urug‘ini ekish va oxir-oqibat Rossiyaning rivojlanishini sekinlashtirish va hatto uni yo‘q qilish uchun qilinmoqda", - dedi RF Bosh prokuraturasi vakili.
Rasmiy, shuningdek, Markaziy Osiyo davlatlaridan kelgan muhojirlar Rossiya biznesiga zarar yetkazayotgani va Rossiya o‘ziga xosligiga putur yetkazayotganini aytdi: “Aslida migrantlar anklavlar tashkil qiladi, biznes sohalarini egallab oladi va oxir-oqibatda nafaqat mamlakat iqtisodiyotiga zarar yetkazadi, balki o‘zligimizni ham yo‘qotamiz”.
“So‘nggi yillarda keluvchilar tarkibi keskin o‘zgardi, aksariyat muhojirlar Markaziy Osiyoning qo‘shni respublikalaridan kelishmoqda. Ko‘p sonli muhojirlar, har yili plyus-minus 15 million kishi, asosan tegishli ta’lim va madaniyat darajasiga ega bo‘lgan mehnat muhojirlari, ularning ko‘plari hatto rus tilini minimal darajada bilishmaydi, chunki SSSR parchalanishi bilan ularning vatanlarida bu tilni o‘rganishni to‘xtatib qo‘yishgan”, - deya qo‘shimcha qildi prokuror.
