Kitobda 1152 ta ko‘p yillik daraxtlar kesib tashlangan

Qashqadaryoning Kitob tumanida moratoriy talablariga zid ravishda ko‘p yillik Chinor daraxtlari kesib tashlanganligi holati o‘rganib chiqildi.

Ekologiya inspektorlari aniqlagan holatga ko‘ra, yaqinda «Kitob yo‘l qurilish-ta’mirlash» MCHJ tomonidan 6 ta ko‘p yillik g‘arb Chinori noqonuniy kesib tashlangan. Natijada tabiatga 672 mln 860 ming so‘mlik zarar yetkazilgan.

Shuningdek, o‘rganish davomida Kitob tumani hokimi qaroriga asosan o‘tgan davrda Kitob-Shahrisabz avtomobil yo‘lini ta’mirlash bahonasida 1146 ta turli daraxtlar kesib tashlangani ma’lum bo‘ldi.

Aniqlangan holatlar bo‘yicha barcha hujjatlar prokuratura idoralariga yuborilgan.