Qirg‘iziston isyon tufayli Tojikiston bilan chegarada hushyorlikni kuchaytirdi

Qirg‘iziston davlat chegara xizmati qo‘shni mamlakatda qattiq tartibdagi koloniyada yuz bergan isyondan keyin yo‘lovchilar o‘tish punktlari va Tojikiston bilan davlat chegarasi nazorat chiziqlarida hushyorlikni kuchaytirdi.

Bu haqda RIA Novostiga Qirg‘iziston davlat chegara xizmati vakili Gulmira Borubayeva xabar qilgan.

"Qirg‘iziston davlat chegara xizmati vaziyatni sinchkovlik bilan kuzatmoqda. Qirg‘iziston-Tojikiston o‘tish punktlarida, shuningdek, davlat chegarasi chizig‘ida hushyorlik kuchaytirilgan", - deb aytgan Borubayeva.

Shu bilan birga, xodima Qirg‘iziston tomondan chegara qo‘riqlanishi "odatdagi tartibda amalga oshirilayotgani"ni qo‘shimcha qilgan.

Eslatib o‘tamiz, payshanba kuni Tojikiston shimolidagi Xo‘jand shahrida mahbuslar koloniyasida yuz bergan isyonda ikki nafar zobit - koloniya xodimi va spesnaz askari hamda 25 nafarga yaqin maxbuslar halok bo‘lganlar.

Dastlabki ma’lumotlarga ko‘ra, maxbuslardan biri, ID a’zosi posbondan avtomatini tortib olib, uni qurolsizlantirishga muvaffaq bo‘lgan. Sal keyin maxbuslar koloniyaning bir korpusini egallab olganlar.

So‘g‘d viloyati IIB spesnaz qo‘shini shturmi tufayli isyon bostirilgan.