Prezidentlikka nomzod Erik Zemmur Fransiya NATO tarkibidan chiqishini ma’lum qildi

Fransiya prezidentligiga nomzod Erik Zemmur prezident bo‘lgach, mamlakat NATO tarkibidan chiqishini ma’lum qildi. Bu haqda u Parij chekkasida bo‘lib o‘tgan birinchi saylov mitingida gapirgan.

Nomzod “Men Fransiyaning NATO ning qo‘shma harbiy qo‘mondonligidan chiqishini istayman", deb aytgan va fransuzlar Yevropa Ittifoqining vassali bo‘lmasligi kerakligini ta’kidlagan.

Avvalroq, Fransiya prezidentligiga nomzod Zemmur "Qayta qurish" siyosiy harakati tashkil etilganini e’lon qildi.

“Vatanimizni qayta qurish uchun uni qaytarib olmoqchimiz”, degan edi u tarafdorlari bilan uchrashuvda.‌‌