Nega loyihalarni hayotga tatbiq etish kechikmoqda? (video)
Loyiha bor, bajaruvchi shay, sarmoyaning manbasi va miqdori ham aniq. Unda nega uni hayotga tatbiq etish kechikmoqda?
Xabaringiz bor, joriy yil 11 sentyabrda Davlat rahbari “Hududlarda tadbirkorlik tashabbuslari va loyihalarini jadal amalga oshirishni tashkil etish chora-tadbirlari to‘g‘risida”gi qarorga imzo chekdi. Qarorda berilgan topshiriqlar ijrosini o‘z vaqtida ta’minlash bilan hududlarda tadbirkorlik sub’ektlarini qo‘llab-quvvatlash, bo‘sh turgan davlat ob’ektlariga investisiyalarni kengroq jalb etishga erishiladi.
Shundan kelib chiqib, Prezident Administrasiyasi, Bosh prokuratura, mutasaddi vazirlik va idoralar rahbarlaridan iborat hududiy guruh Toshkent viloyatida tadbirkorlarni qo‘llab-quvvatlash bo‘yicha amalga oshirilayotgan ishlar bilan yaqindan tanishib, mavjud muammolarni joyida hal etish choralarini ko‘rmoqda.
O‘zbekiston Respublikasi Bosh prokuraturasi huzuridagi Axborot-tahlil multimedia markazi bilan hamkorlikda tayyorlangan navbatdagi videosharh Hududiy guruhning Quyichirchiq, Oqqo‘rg‘on, Chinoz hamda Zangiota tumanlaridagi faoliyati natijalari haqida.
Manba: uza.uz
