Mashina uchun ota bir kunda 2 yillik aliment pullarini to‘lab berdi
Bu dunyoda turfa insonlar, turfa taqdirlar bor. Bir umrga baxtli yashashni niyat qilib turmush qurgan juftlik ajrashib ketadi. Bunga sabablar turlicha, ammo oilada erkak kishi otalik mas’uliyatini unutmasligi lozim.
Fuqaro H.Ro‘ziqulov ham 09.02.2017 yilda Shahrisabz tumanlararo sudining qaroriga ko‘ra, da’vogar S.Jo‘rayeva foydasiga aliment pullari undirish belgilangan bo‘lsa-da, ota aliment to‘lashdan bo‘yin tovlab kelgan. Bu haqda aniq.uz ning ishonchli manbasi xabar berdi.
2019 yilning 8 fevral kuni qarzdorga tegishli DAMAS avtomobili Byuroning Shahrisabz tuman bo‘limi xodimlari tomonidan xatlandi.
Shundan so‘ng fuqaro 9 fevral kuni alimentdan bo‘lgan jami 8 mln 752 ming 892 so‘m qarzini to‘lab berdi va avtomashina o‘z egasiga qaytarildi.
